Viðskipti innlent

Seldu fyrir 634 milljónir og græddu 182

Árni Sæberg skrifar
Metta sport er til húsa að Barónsstíg 11a. Þar var steikhúsið Argentína rekið í fjölda ára.
Metta sport er til húsa að Barónsstíg 11a. Þar var steikhúsið Argentína rekið í fjölda ára. Vísir

Metta sport seldi íþróttafatnað fyrir 634 milljónir króna og hagnaðist um 182 milljónir í fyrra. Félagið er í 80 prósenta eigu Péturs Kiernan og 20 prósenta eigu Samúels Ásberg O'Neill, sem báðir eru á þrítugsaldri.

Þetta kemur fram í nýjasta ársreikningi félagsins PS2 ehf., sem á Metta sport. Samkvæmt honum voru tekjur félagsins 633.860.103 krónur í fyrra, hagnaður fyrir vaxtagreiðslur og skatta, EBITDA, 216.465.546 krónur og afkoma ársins 181.516.777 krónur.

Vexti félagsins undanfarin ár er ekki hægt að lýsa öðruvísi en að hann hafi verið ævintýralegur. 

Á fyrsta rekstrarárinu árið 2021 var afkoman ein milljón króna. Árið eftir var hún átján sinnum meiri og árið þar á eftir var hún 93 milljónir. Í fyrra var hún svo tvöföld miðað við árið áður.

Í lok árs í fyrra námu eignir félagsins 288,9 milljónum króna. Eigið fé nam 182 milljónum og skuldir 106 milljónum.

Stjórn félagsins leggur til að hluthöfunum tveimur verði greiddar tuttugu milljónir króna í arð vegna ársins 2024.

Á vef Metta sport segir að það sé íslenskt lífstílsmerki sem einsetji sér að bæta daglegt líf fólks með hagkvæmum og vönduðum klæðnaði. 

Fyrirtækið hóf rekstur árið 2021 með vefverslun og verslun í Síðumúla, en er nú til húsa á Barónsstíg 11a.

Tíska og hönnun Uppgjör og ársreikningar

Tengdar fréttir

Með margra milljóna úr í sparnaðarherferð

Háskólaneminn Pétur Kiernan er umsjónarmaður sjónvarpsþátta sem Landsbankinn lét framleiða um ungt fólk og sparnað. Hann lýsir sér sem námsmanni með lítið á milli handanna en skartar þó í þáttunum rándýru úri.



Mest lesið


Fleiri fréttir

Sjá meira


×

Mest lesið