Vara­for­seti EHF hand­tekinn

Varaforseti EHF heitir Predrag Boskovic og er 53 ára gamall Svartfellingur. Hann hefur verið varaforseti EHF síðan árið 2016.

Boskovic er einnig þingmaður í Svartfjallalandi og var bæði varnarmálaráðherra og menntamálaráðherra landsins á sínum tíma.

Bošković var handtekinn á mánudag í Podgorica, höfuðborg Svartfjallalands, grunaður um aðild að glæpasamtökum sem beinast markvisst gegn pólitískum andstæðingum. Þetta kemur fram í frétt miðilsins Vijesti.

Samhliða stöðu sinni hjá EHF er Predrag Bošković í aðalstjórn Lýðræðislega sósíalistaflokksins (DPS) í Svartfjallalandi.

Boskovic neitar sök í ákærunum og var látinn laus eftir handtökuna þar sem dómari við hæstaréttinn í Podgorica féllst ekki á kröfu saksóknara um gæsluvarðhald.

Boskovic þarf þó að gefa sig reglulega fram við lögreglu svo vitað sé hvar hann er niðurkominn.

Þann 21. desember fer fram forsetakjör hjá Alþjóðahandknattleikssambandinu (IHF) í tengslum við þing sambandsins í Kaíró. Boskovic er einnig stjórnarmaður í Alþjóðahandknattleikssambandinu.