Ómar Örn og Nanna selja á eftir­sóttum stað í mið­bænum

Íbúðin er á annarri hæð í steinsteyptu húsi frá 1932. Hún hefur verið mikið endurnýjuð, og hvert rými er málað í mismunandi litum sem gefur heildarmyndinni mikinn karakter.

Stofa og borðstofa mynda opið og bjart rými með aukinni lofthæð og stórum gluggum. Ljóst viðarparket með áberandi kvistum flæðir á milli rýma og gefur eigninni sjarmerandi yfirbragð í takt við tíðaranda hússins.

Eldhúsið er rúmgott og stúkað af með snyrtilegri dökkri innréttingu og viðarborðplötu.

Baðherbergið er flísalagt að hluta með terrazzo-gólfi og klassískum hvítum Subway-flísum.

Íbúðin skartar tveimur svefnherbergjum.

Nánari upplýsingar um eignina má nálgast á fasteignavef Vísis.