Veitur vara við svikaskilaboðum

Í tilkynningu Veitna er tekið dæmi um svikaskilaboð þar sem viðtakandi er varaður við því að þjónusta gæti stöðvast þar sem rafmagnsreikningur sé ógreiddur.

„Veitur vekja athygli á svikaskilaboðum þar sem viðtakendur eru beðnir að smella á hlekk til að velja raforkusala eða staðfesta þjónustu. Veitur senda aldrei út hlekki þar sem fólki er sagt að skrá greiðslukortaupplýsingar,” segir í tilkynningu Veitna.

Þeir sem kunni að hafa móttekið slíkan póst eða skilaboð eru hvattir til að smella ekki á hlekki eða opna viðhengi, gefa ekki upp persónu- eða greiðslukortaupplýsingar og ráðlagt sé að eyða slíkum pósti strax.

Viðskiptavinir geti séð stöðu reikninga sinna á með því að skrá sig inn á heimasíðu Veitna þar sem hægt sé að sjá hvort reikningur sé ógreiddur. Veitur loki einungis fyrir rafmagn þegar margar viðvaranir hafi verið sendar vegna ógreiddra reikninga.

Þá er ennfremur útlistað í tilkynningu Veitna hvernig sé best að bregðast við, hafi maður fallið fyrir svikum en tilkynninguna má lesa í heild sinni hér.