Sundlaugargestur hand­tekinn

Þetta kemur fram í dagbók lögreglunnar á höfuðborgarsvæðinu.

Þar er einnig greint frá einu álíka máli sem átti sér líka stað í miðbænum. Þar var óskað eftir aðstoð lögreglu vegna slagsmála. Einn var handtekinn, og er hann sagður hafa séð sig knúinn til að hóta lögreglumönnum lífláti. Sá var fluttur á lögreglustöð og vistaður í fangaklefa þar til ástand hans leyfir að við hann verði rætt.

Þá kemur fram að maður hafi smyglað sér ofan í sundlaug án þess að greiða. Hann hafi síðan hagað sér furðulega gagnvart öðrum gestum. Þessum manni var gert að yfirgefa sundlauguna, en mun hafa neitað að gera það og var því handtekinn og fluttur á lögreglustöð. Hann var látinn laus að skýrslutöku lokinni.

Í Breiðholtinu var tilkynnt um rán. Lítið kemur fram um það nema að málið sé í rannsókn.

Þá var tilkynnt um að bensínsprengju hefði verið kastað í vegg sem var skemmdur eftir það. Það mál er líka sagt í rannsókn.