Marín Manda og Hannes Frí­mann trú­lofuð

Parið greindi frá fréttunum á Instagram í gær.

Skötuhjúin hafa verið saman í fimm ár og eiga saman dótturina Thelmu Hrönn en auk þess eiga þau bæði börn úr fyrri samböndum.

Marín Manda varð landsþekkt söngkona og fyrirsæta á táningsaldri en kúplaði sig út úr sviðsljósinu þegar fjölskyldulífið tók við.

Á síðustu árum hefur hún starfað sem þáttastjórnandi í sjónvarpi með Útliti og Spegilmyndinni og heldur úti hlaðvarpinu Spegilmyndin sem fjallar um fegrunartrend og ýmis mál er snúa að kvenheilsu.

Hannes Frímann hefur starfað hjá Kviku-samstæðunni frá 2012, lengst af sem forstjóri Virðingar og Auðar Capital.

Sjá einnig: Hannes Frímann tekur við eignastýringu Kviku banka

Fyrir þann tíma var Hannes framkvæmdastjóri og einn stofnenda Tinda verðbréfa og einnig aðstoðarframkvæmdastjóri fjárstýringar og markaðsviðskipta hjá Arion banka og Kaupþingi.