Ekki hissa á því að Horner hafi verið rekinn

Snemma í þessum mánuði bárust fréttir af því að Horner, sem var liðsstjóri og forstjóri Red Bull-liðsins, hefði verið rekinn úr starfi.

Fréttirnar bárust sextán mánuðum eftir að upp komst um óviðeigandi skilaboð hans til kvenkyns starfsmanns liðsins. Eftir rannsókn innanbúðar, í tvígang, var Horner sagður hafa gert ekkert af sér og hann hélt starfinu.

Forráðamenn Red Bull-liðsins hafa ekki enn greint frá ástæðu þess að Horner var rekinn, en Frakkinn Laurent Mekies, sem áður stýrði varaliði Red Bul, Racing Bulls, er tekinn við starfinu.

„Ég er kannski hissa á tímasetningunni, en ekki niðurstöðunni,“ sagði Brown í samtali við kanadísku sjónvarpsstöðina TSN.

„Það er búið að vera mikið drama undanfarin tvö ár og það virðist ekkert vera að róast. Það er frekar að það sé að aukast, þannig að ég var ekki hissa,“ bætti Brown við.

Horner hafði stýrt Red Bull-liðinu frá því að það keppti fyrst í Formúlu 1 árið 2005 og hafði því verið við stjórnvölin í tuttugu ár, lengur en nokkur annar í íþróttinni.