Laskaður á líkama og sál eftir þungt högg

Atvikið gerðist á fyrstu hringjum keppninnar og fór keppni Leclerc alls ekki eins og hann né Ferrari hefðu viljað á heimavelli liðsins fyrir framan Tifosi, stuðningsmenn Ferrari. 

Leclerc hefur nú tjáð sig um óhappið og áhrif þess í færslu á samfélagsmiðlum en skömmu fyrir óhappið hafði átt sér stað snerting á milli bíl hans og liðsfélagans Lewis Hamilton.

„Þetta fór ekki eins og ég hefði viljað að keppnishelgin hefði farið,“ skrifar Leclerc á samfélagsmiðlum þar sem að hann þakkar fyrir stuðninginn.

„Líkamlega var þetta mikið högg en ég er í lagi. Tilfinningalega séð er sársaukinn meiri. Að eitthvað svona gerist hérna, á heimavelli, fyrir framan ykkur öll, Tifosi.“

Leclerc hefur átt erfitt uppdráttar á tímabilinu og er farið að reyna á samband hans og Lewis Hamilton hjá Ferrari. 

Formúla 1 heldur nú til Madríd þar sem keppt verður á glænýrri braut í mótaröðinni um komandi helgi. 

Þar freistar forystusauður stigakeppni ökuþóra, Kimi Antonelli hjá Mercedes sem átti frábæra frammistöðu á Monza þar sem að hann fór úr því að ræsa síðastur yfir í að vinna keppnina, til þess að auka við forystu sína í stigakeppninni sem stendur í 66 stigum.