Diogo Jota lést í bíl­slysi

Spænski miðillinn Marca greinir frá. 

Hinn 28 ára gamli Jota var á ferð með bróður sínum André, 26 ára gömlum leikmanni Penafiel í heimalandi þeirra Portúgal.

Slysið átti sér stað við frárein á A-52 þjóðveginum í Zamora héraðinu á Spáni, rétt norðan við Portúgal. 

Lögreglan í héraðinu segir að kviknað hafi í bílnum og slökkvilið mætt á staðinn.

Samkvæmt Marca varð bíllinn alelda og eldurinn dreifði sér í nærliggjandi sinu.

Diogo Jota giftist eiginkonu sinni Rute Cardoso fyrir aðeins tíu dögum síðan og lætur eftir sig þrjú börn, fædd árin 2021, 2023 og 2024. 

Hann birti færslu á Instagram fyrir minna en sólarhring síðan þar sem hann sýndi frá brúðkaupinu sem fór fram í Porto, Portúgal. 

Fréttin verður uppfærð.