Þjálfari Botafogo látinn fara

Botafogo stal senunni þegar liðið vann PSG 1-0 í annarri umferð riðlakeppninnar, sigur sem varð til þess að Botafogo komst áfram úr riðlinum á kostað Atlético Madrid.

Í sextán liða úrslitum varð tap hins vegar niðurstaðan, 1-0 gegn Palmeiras eftir framlengdan leik í fyrradag.

Því var ákveðið að láta þjálfara liðsins fara, eftir aðeins fjóra mánuði í starfi.

„Félagið þakkar Paiva og aðstoðarþjálfurum hans fyrir þeirra störf hjá Botafogo síðustu mánuði. Sérstaklega fyrir sögulegan sigur gegn PSG á HM félagsliða og einnig fyrir að hafa komið liðinu áfram í sextán liða úrslit í Suður-Ameríkubikarnum og bikarkeppni Brasilíu“ segir í tilkynningu Botafogo.