Lífið

Skordýrabrúðkaup í Laugardalslaug

Magnús Jochum Pálsson skrifar
Það er ekki oft sem maður sér skordýrabrúðkaup.
Það er ekki oft sem maður sér skordýrabrúðkaup. Bryndís Þorkelsdóttir

Þrettán hugmyndaríkir unglingar taka yfir Laugardalslaug í vikunni til að sýna leiksýninguna Pöddupanik sem fjallar um tvær óvinafjölskyldur sem koma saman í skordýrabrúðkaupi Blængs Vængssonar og Fjútífjú Skröltnes.

Um er að ræða splunkunýtt verk frá leikhópnum „Við erum þau – Erum við þau?“ sem er afrakstur þriggja vikna leiklistarferlis á vegum Vinnuskóla Reykjavíkur, þar sem þátttakendur fengu laun fyrir að skrifa, skapa, leika og hanna búninga í eigin sýningu. Leikstjóri verksins er Helgi Grímur Hermannsson.

Það er greinilega mikið um að vera í brúðkaupinu.Bryndís Þorkelsdóttir

Brúðkaupsveislan fer ansi óvæntar leiðir með týndum brúðhjónum, samningum við óþekktarorma, illar nornir í flugnastærð og einlægum draumum um frið og silkiþræði. 

Brúðkaupið fer fram í gryfjunni við Laugardalslaug og miðinn kostar 2.500 krónur á midix.is. Sýningin hentar öllum skordýrum, stórum sem smáum, og auðvitað líka mannfólki á öllum aldri.

Pöddupanik verður frumsýnd þriðjudaginn 1. júlí og verður svo önnur sýning miðvikudaginn 2. júlí. 

Hvað er eiginlega í kassanum?Bryndís Þorkelsdóttir
Einhver pappakassavera.Bryndís Þorkelsdóttir
Mikið er lagt í búninga, förðun og útlit.Bryndís Þorkelsdóttir
Leikhús Sundlaugar og baðlón Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.