Dag­skráin í kvöld: Reykjavíkurslagur, nýliðaslagur, Stúkan og Bestu mörkin

Þrír leikir verða sýndir beint í Bestu deild karla í fótbolta. Við fáum nýliðaslag ÍBV og Aftureldingar í Vestmannaeyjum, Reykjavíkurslag Vals og KR á Hlíðarenda og svo leik hjá Íslandsmeisturum Blika sem fá Fram í heimsókn í Kópavoginn en Blikar eru að halda upp á fimmtíu ára afmælisdag Kópavogsvallar.

Eftir leikina mun Stúkan síðan gera upp alla tólftu umferðina sem hófst um helgina en lýkur í kvöld.

Tíunda umferð Bestu deildar kvenna í fótoblta kláraðist um helgina og þetta var síðasta umferðin fyrir Evrópumótið í Sviss. Bestu mörkin munu gera upp þessa síðustu umferð deildarinnar í rúman mánuð.

Það verður einnig sýnd frá Padel keppni í Valladolid á Spáni og frá bandaríska hafnaboltanum.

Hér fyrir neðan má sjá yfirlit yfir beinar útsendingar á sportstöðvunum í dag.

Sýn Sport

Klukkan 19.00 hefst útsending frá leik Vals og KR í Bestu deild karla í fótbolta.

Klukkan 21.25 hefst þáttur af Stúkunni þar sem tólfta umferð Bestu deildar karla í fótbolta verður gerður upp.

Sýn Sport 5

Klukkan 17.50 hefst útsending frá leik ÍBV og Aftureldingar í Bestu deild karla í fótbolta.

Klukkan 20.00 hefst þáttur af Bestu mörkunum þar sem tíunda umferð Bestu deildar kvenna í fótbolta verður gerður upp.

Sýn Sport Ísland

Klukkan 19.05 hefst útsending frá leik Breiðabliks og Fram í Bestu deild karla í fótbolta.

Sýn Sport Viaplay

Klukkan 15.00 hefst útsending frá úrvalsdeildarmóti í Padel í Valladolid á Spáni.

Klukkan 22.05 hefst útsending frá leik Baltimore Orioles og Texas Rangers í MLB deildinni í hafnabolta.