Til­nefna Banda­ríkja­for­seta til friðar­verð­launa Nóbels

Í tilkynningu frá fulltrúum Pakistan segir að forsetinn hafi sýnt mikla útsjónarsemi og framúrskarandi kænsku með öflugum diplómatískum samskiptum við fulltrúar Pakistan og Indlands.

„Þessi málamiðlun er vitnisburður um hlutverk hans sem ósvikins friðarsinni,“ stendur í tilkynningunni sem fjallað er um á The Guardian. 

Það gleður án efa forsetann að vera kallaður friðarsinni. Í ræðu hans er hann var settur forseti í byrjun árs sagðist Trump vilja að þjóðin muni eftir honum sem friðarsinna og sameiningartákni.

Ósætti um landsvæði í Kasmír-héraðinu á milli landanna tveggja leiddi til átaka í maí-mánuði. Þau hófust með árás vígamanna í apríl sem drápu 26 manns. Pakistan neitaði ábyrgð en indversk stjórnvöld afturkölluðu gildi allra vegabréfsáritana pakistanskra ríkisborgara og gerðu síðar árás á Pakistan 7. maí.

Átökin stóðu þar til 10. maí þegar vopnahlé milli ríkjanna náðist með aðkomu bandarískra ráðamanna. Donald Trump greindi frá því á samfélagsmiðlinum sínum, áður en ríkin tvö staðfestu fregnirnar.

Fulltrúar Pakistan segja það sé Bandaríkjunum að þakka að átökunum lauk en fulltrúar Indlands segja að um tvíhliða samkomulag milli herjanna tveggja hafi séð um vopnahléið. Vikram Misri, utanríkisráðherra Indlands, sagði að engin milligönguaðferð hefði átt sér stað.

Áður hefur verið greint frá því að ráðamenn Indlands séu ósáttir með ákvarðanir Trumps sem hefur ítrekað eignað sér heiðurinn að vopnahléi.