Vinnu­slys í Laugar­dal þar sem maður fékk járn­stöng í and­litið

Þetta er meðal þess sem fram kemur í dagbók lögreglunnar á höfuðborgarsvæðinu. Lögreglumenn handtóku einnig mann sem rændi verslun í sama hverfi. Það gerði hann við annan mann en lögreglunni hefur ekki tekist að hafa hendur í hári hins.

Lögreglumenn á lögreglustöð tvö sem sinnir verkefnum í Hafnarfirði og Garðabæ fengu tilkynningu um umferðarslys í hverfi 220. Þar hafði verið ekið yfir rist á dreng en engir sjáanlegir áverkar voru á honum. Þá var einnig tilkynnt um innbrot í fyrirtæki og þjófnað úr verslun í sama hverfi.

Í hverfi 201 kviknaði í gám en samkvæmt upplýsingum frá lögreglu hlutust minniháttar skemmdir af eldsvoðanum.