Íslenski boltinn

Sjáðu Gylfa leggja upp sigur­markið fyrir Gunnar og öll hin í sigri Víkinga á KR

Óskar Ófeigur Jónsson skrifar
Gunnar Vatnhamar fagnar hér sigurmarki sínu á móti KR í Víkinni í gærkvöldi.
Gunnar Vatnhamar fagnar hér sigurmarki sínu á móti KR í Víkinni í gærkvöldi. Syn

Gunnar Vatnhamar tryggði Víkingum 3-2 sigur á KR í lokaleik elleftu umferðar Bestu deildar karla í fótbolta í gærkvöldi.

Þetta var enn einn markaleikur KR-inga i sumar. Liðið er markahæsta lið deildarinnar með þrjátíu mörk í ellefu leikjum en situr samt bara í níunda sæti.

Víkingar eru á toppnum með 23 stig og 22 mörk skoruð. Liðið er með stigi meira en Íslandsmeistarar Breiðabliks.

Víkingar komust þrisvar yfir en KR-ingum tókst að jafna tvívegis í fyrri hálfleiknum.

Í þeim seinni þá dugði mark Gunnars til að landa sigrinum en markið skoraði hann með skalla eftir hornspyrnu Gylfa Þórs Sigurðssonar.

Helgi Guðjónsson (víti) og Karl Friðleifur Gunnarsson komu Víkingum yfir í fyrri hálfleiknum en þeir Jóhannes Kristinn Bjarnason (víti) og Matthias Præst Nielsen jöfnuðu.

Öll mörkin úr leiknum má sjá hér fyrir neðan.

Klippa: Mörkin úr leik Víkings og KR
Besta deild karla Víkingur Reykjavík KR

Mest lesið


Fleiri fréttir

Sjá meira


×

Mest lesið