Meistararnir réttu úr slæmu gengi með góðum sigri

Guðrún lék allan leikinn og hélt hreinu í fyrsta sinn síðan í annarri umferð. Ísabella byrjaði á vinstri vængnum en var tekin af velli í hálfleik.

Þetta var fimmti sigur Rosengard á tímabilinu en liðið hefur tapað fimm leikjum hingað til og gert eitt jafntefli. Sem er mikill munur á árangri milli ára en Rosengard vann 25 af 26 leikjum á síðasta tímabili.

Íslendingar komu einnig við sögu í 2-2 jafntefli Kristianstad og Brommapojkarna. Alexandra Jóhannsdóttir, Katla Tryggvadóttir og Guðný Árnadóttir voru allar í byrjunarliði Kristianstad, sem er í fjórða sæti deildarinnar, fjórum stigum frá toppliði BK Hacken.

Fanney Inga Birkisdóttir er varamarkmaður BK Hacken og kom ekki við sögu í 6-0 sigri liðsins gegn AIK.

Þá kom Sigdís Eva Bárðardóttir inn af varamannabekk Norrköping annan leikinn í röð, í 1-1 jafntefli gegn Vaxjö.