Fótbolti

Góður endir eftir slaka úr­slita­keppni hjá Íslendingaliðinu Brøndby

Ágúst Orri Arnarson skrifar
Ingibjörg Sigurðardóttir stóð vaktina í vörn Brøndby og hélt hreinu.
Ingibjörg Sigurðardóttir stóð vaktina í vörn Brøndby og hélt hreinu. Brøndby

Eftir að hafa aðeins unnið einn leik af níu í úrslitakeppninni endaði Íslendingaliðið Brøndby tímabilið á góðum nótum, með hreinu marki og eins marks sigri gegn Odense í dönsku úrvalsdeild kvenna í fótbolta.

Ingibjörg Sigurðardóttir og Hafrún Rakel Halldórsdóttir léku allan leikinn með liði Brøndby. Þær voru báðar lykilleikmenn á núliðnu tímabili. Ingibjörg spilaði 19 leiki en Hafrún kom við sögu í 23 af 24 deildarleikjum. Ingibjörg skoraði tvö mörk og Hafrún gaf eina stoðsendingu.

Fortuna vann dönsku deildina með miklum yfirburðum, baráttan snerist um annað sæti deildarinnar, hitt Meistaradeildarsætið.

Nordsjælland og Brøndby voru í öðru og þriðja sæti þegar venjuleg deildarkeppni kláraðist, en söfnuðu bæði aðeins níu stigum í úrslitakeppninni og gáfu hinum liðunum tækifæri.

HB Koge safnaði 21 stigi í úrslitakeppninni. Odense og AGF gerðu einnig vel og söfnuðu fleiri stigum en bæði Brøndby og Nordsjælland.

Nordsjælland náði rétt svo að halda öðru sætinu með markalausu jafntefli gegn Fortuna í dag, ef leikurinn hefði tapast hefði HB Koge stolið öðru sætinu.

Brøndby endaði hins vegar í fjórða sæti, eftir að hafa dregist úr baráttunni um annað sætið, en endaði tímabilið vel með 1-0 sigri gegn Odense.

Danski boltinn

Mest lesið


Fleiri fréttir

Sjá meira


×

Mest lesið