Stefán nýr út­varps­stjóri Sýnar

Í tilkynningu frá Sýn segir að Stefán búi yfir víðtækri reynslu í útvarps- og hljóðmiðlum, bæði á Íslandi og erlendis. 

„Hann hefur frá árinu 2023 starfað sem deildarstjóri hljóðlausna hjá Sýn. Áður starfaði hann hjá bandaríska framleiðslufyrirtækinu ReelWorld, sem er leiðandi í hljóðhönnun og ímyndarsköpun fyrir útvarp. Þar á undan stýrði Stefán allri hljóðframleiðslu fyrir Capital FM í London, einni stærstu útvarpsstöð Evrópu,“ segir í tilkynningunni.

Haft er eftir Stefáni að útvarpssvið Sýnar samanstandi af frábæru fagfólki sem brenni fyrir þessum lifandi og áhrifaríka miðli. „Ég hlakka til að vinna að spennandi þróun og nýjungum - bæði innan útvarpsins og fyrirtækisins í heild. Það er mér mikill heiður að fá að leiða þetta öfluga svið,“ segir Stefán.

Vísir er í eigu Sýnar.