Innlent

Sofandi á byggingarsvæðinu og „í vand­ræðum með vin sinn“

Magnús Jochum Pálsson skrifar
Lögreglan hafð í ýmsu að snúast frá því klukkan 17 síðdegis í gær og þar til klukkan fimm í morgun.
Lögreglan hafð í ýmsu að snúast frá því klukkan 17 síðdegis í gær og þar til klukkan fimm í morgun. Vísir/Vilhelm

Lögregla var kölluð til vegna tveggja mann sem höfðu brotist inn á byggingarsvæði í vesturbæ Reykjavíkur. Þegar lögregla kom á vettvang reyndust mennirnir sofandi innandyra og voru þeir handteknir og vistaðir í fangaklefa vegna húsbrots.

Þetta kemur fram í dagbók lögreglunnar á höfuðborgarsvæðinu um verkefni hennar frá 17 í gær til 5 í morgun. Alls voru sextíu mál bókuð í kerfum lögreglu á tímabilinu.

Lögreglan var einnig kölluð til á skemmtistað í miðborginni en fyrir utan hann voru menn „í vandræðum með vin sinn“ sem hafði drukkið of mikið og var orðinn „óstýrilátur og ógnandi“. Eftir smá spjall náðist að leysa málið farsællega og án frekari afskipta lögreglu.

Rétt fyrir miðnætti voru lögregla og slökkvilið send á forgangi vegna elds í skemmu. Eldurinn reyndist minniháttar.

Á umdæmi lögreglustöðvar 3 sem nær yfir Kópavog og Breiðholt barst tilkynning um líkamsárás. Einn var grunaður í málinu og náðist hann fljótlega. Málið var unnið með aðkomu barnaverndaryfirvalda og forráðamanna.

Einnig barst þar tilkynning um rúðubrot við grunnskóla en málið er enn í rannsókn.

Lögreglumál Reykjavík

Mest lesið


Fleiri fréttir

Sjá meira


×

Mest lesið