Tvær konur sluppu úr brennandi bíl

Eldurinn kviknaði um klukkan 14:40 og þegar Vísir ræddi við vakthafandi varðstjóra hjá Slökkviliðinu á höfuðborgarsvæðinu laust eftir klukkan 15 hafði áhöfn eins dælubíls þegar ráðið niðurlögum eldsins. 

Slökkvistarf hafi gengið eins vel og mögulegt er. Aðeins væri eftir að hreinsa til á vettvangi. Engin slys hafi orðið á fólki og engin hætta hafi verið talin á því að eldurinn breiddist út.

Fréttamaður á vettvangi ræddi stuttlega við konu á miðjum aldri sem sagði þær hafa verið tvær í bílnum þegar eldurinn kviknaði. Um tvinnbíl væri að ræða. 

Varðstjóri segir ekki ljóst að svo stöddu hvernig eldurinn kviknaði.

Fréttin hefur verið uppfærð.