Treyja Bryants marg­faldast í verði og varð sú fjórða dýrasta í sögunni

Bryant klæddist treyjunni í sjö leikjum á sinni fyrstu leiktíð í NBA, tímabilið 1996-97. Hún seldist á sjö milljónir Bandaríkjadala eða tæpar 890 milljónir króna.

Bryant lék allan sinn feril með Lakers og vann fimm NBA-meistaratitla auk þess að vera valinn verðmætasti leikmaðurinn, MVP, árið 2008.

Treyjan var fyrst seld árið 2013 fyrir 115.242 dali, sjö árum áður en Bryant og Gianna dóttir hans létust í þyrluslysi, og hefur því margfaldast í verði.

Treyja hafnaboltakappans Babe Ruth er sú dýrasta í sögunni, eftir að hafa selst á 24 milljónir dala í ágúst síðastliðinum.

Treyja sem Michael Jordan klæddist á lokaleiktíð sinni með Chicago Bulls er í 2. sæti en hún seldist á 10,1 milljón dala.

Í 3. sætinu er svo treyjan sem Diego Maradona var í þegar hann skoraði með „hendi Guðs“ gegn Englandi á HM 1986.