KA Ís­lands­meistari kvenna í blaki: Unnu allt sem hægt var að vinna

KA tryggði sér Íslandsmeistaratitilinn með 3-1 sigri á Völsungi í úrslitum Unbroken-deilddarinnar í kvöld. KA vann alla þrjá leiki liðanna í úrslitum. Fyrstu tveir leikir einvígisins enduðu með öruggum 3-0 sigri KA sem vann níu af tíu hrinum í leikjunum þremur.

KA byrjaði vel í kvöld en Völsungur jafnaði metin í næstu hrinu. Var það skammgóður vermir þar sem KA sýndi enga miskunn í kjölfarið, vann næstu tvær hrinur leiksins og tryggði sér sannfærandi sigur. KA því óumdeilanlega besta lið landsins eins og staðan er í dag.