Eldur í mathöllinni í Hvera­gerði

„Þetta fór betur en á horfðist,“ segir Halldór Ásgeirsson aðalvarðstjóri hjá Brunavörnum Árnessýslu í samtali við fréttastofu.

„Þetta virðist ætla að sleppa vel. Það kviknaði í djúpsteikingarpotti á veitingastað. Við erum að klára að slökkva núna,“ segir Halldór.

Hann telur að tjónið á mathöllinni sé óverulegt og segir engan hafa slasast þegar kviknaði í.

„Við erum að reykræsta og tryggja vettvanginn,“ segir Halldór að lokum.

Opna aftur seinnipartinn

„Það verður opnað seinnipartinn í dag,“ segir Valgarð Sörensen einn eigenda mathallarinnar í samtali við fréttastofu.

Hann segir tjónið óverulegt. Það eina sem hafi skemmst sé djúpsteikingarspotturinn sjálfur og það megi þakka skjótum viðbrögðum bæði starfsmanna og slökkviliðs að ekki fór verr.