Lakers gefur öllum Luka Doncic treyjur fyrir fyrsta leikinn

Það er mikill spenna í Los Angeles borg fyrir nýjustu hetju liðsins og því hvernig samvinna hans og LeBron James kemur út.

Luka Doncic hefur samt ekki spilað leik síðan hann meiddist í leik með Dallas á móti Minnesota Timberwolves á jóladegi.

Hann var að glíma við kálfameiðsli en er nú leikfær á ný. Áður en hann meiddist þá var Doncic með 28,1 stig, 8,3 fráköst og 7,8 stoðsendingar og að meðaltali í leik.

Lakers mætir Utah Jazz á heimavelli í nótt en Jazz er eitt lélegasta liðið í Vesturdeildinni. Það er því von á öruggum heimasigri.

Forráðamenn Lakers ákváðu að gefa öllum Luka Doncic treyjur fyrir fyrsta leikinn en treyjurnar bíða í sætunum þegar fólk mætir á leikinn í Staples Center í kvöld eins og sjá má hér fyrir neðan.