Nafn­greina árásar­manninn í Örebro

Sænskir fjölmiðlar greina frá nafni mannsins á þriðja tímanum í dag, meðal annars Aftonbladet og Expressen. Staðfest er að ellefu manns hafi látist í skotárásinni í gær og var Andersson einn þeirra. Hann er talinn hafa svipt sig lífi eftir árásina.

Lögregla í Örebro fékk fyrst ábendingu um árásina í Campus Risbergska klukkan 12:33 að staðartíma í gær. Um er að ræða skóla sem áður var framhaldsskóli en þar hefur að undanförnu verið starfrækt fullorðinsfræðsla.

Andersson hefur í fjölmiðlum verið lýst, af fólki sem þekkti hann, sem einrænum manni sem hafi ekki verið starfandi á vinnumarkaði. Lögregla girti í gær af svæði í kringum íbúð þar sem hann bjó og lagði hald á ýmsa hluti.

Aftonbladet greindi frá því í gær að Andersson hafi skipt um nafn fyrir um átta árum síðan. Hann var með hreina sakaskrá og sagði lögregla að hann hefði ekki áður komist í kast við lögin.

Lögregla segir hann hafa notað byssu sem hann hafi verið með leyfi fyrir.