Erlent

Skot­á­rás í sænskum skóla

Atli Ísleifsson skrifar
Frá vettvangi fyrr í dag. Lögregla hefur grun um að einn þeirra sem fannst særður á vettvangi kunni að vera grunaður árásarmaður. 
Frá vettvangi fyrr í dag. Lögregla hefur grun um að einn þeirra sem fannst særður á vettvangi kunni að vera grunaður árásarmaður.  AP

Einhverjir eru sagðir látnir eftir að skotárás var gerð í skóla í bænum Örebro í Svíþjóð um hádegisbil. Lögregla hefur staðfest að fimmtán manns að minnsya kosti hafi særst í árásinni, en sænskir fjölmiðlar segja ljóst að einhverjir séu látnir. Viðbúnaður er mjög mikill á staðnum.

Sænskir fjölmiðlar greina frá því að maður hafi skotið úr hálfsjálfvirku skotvopni við Campus Risbergska-skólann. Um er að ræða skóla sem hýsir fullorðinsfræðslu, en var áður framhaldsskóli.

Aftonbladet segir frá því að skothylki hafi fundist bæði á göngum skólans og að því hafi verið beint til almennings að halda sig fjarri hverfinu Västhaga. 

Ap

Örebro er að finna um tvö hundruð kílómetra vestur af höfuðborginni Stokkhólmi. 

Uppfært 14:35: Á blaðamannafundi lögreglunnar klukkan 14:30 kom fram að lögregla hefði grun um að einn þeirra sem fannst særður kunni að vera árásarmaðurinn í málinu. Þá kom fram að lögregla í Örebro hefði ákveðið að rýma sex skóla og einn veitingastað í nágrenninu. Fimm hafa verið fluttir á sjúkrahús vegna sára sinna og greindi lögregla að einhver hafi þegar gengist undir aðgerð. Lögregla vildi ekki tjá sig um þær upplýsingar sænskra fjölmiðla að svo stöddu að einhverjir hefðu látist í árásinni.    

Fréttin hefur verið uppfærð.

Svíþjóð Skotárás í Örebro

Mest lesið


Fleiri fréttir

Sjá meira


×

Mest lesið