Segir nafn­lausa konu fara með rangt mál um bróður hans

Þetta kemur fram í frétt mbl um málið.

Konan birti nafnlausa færslu á Face­book-hópn­um Bar­áttu­hóp­ur gegn of­beld­is­menn­ingu þar sem hún segir að kvenkyns starfsmaður á vegum líkamsræktarinnar hafi komið inn í klefann til að láta vita að karlmaður væri á leið inn í klefann til að sinna viðgerðum inni á klósettinu.

Konan hafi sjálf verið nálægt innganginum og því heyrt tilkynninguna ásamt um átta til tíu öðrum konum. Minna en helmingur kvennanna hafi heyrt í stúlkunni og því hafi fjöldi kvenna í klefanum og í sturtunni ekki vitað af manninum. Sjálf hafi hún rétt náð að sveipa handklæði um sig áður en maðurinn labbaði inn. 

Þá segir konan að þegar maðurinn gekk inn hafi hann haldið flissandi fyrir augu sín og sagt „ég lofa að kíkja ekki stelpur“ en þrátt fyrir það kíkt og horft í augu hennar. Á leið út úr stöðinni hafi hún svo heyrt í annarri konu kvarta yfir málinu í móttökunni.

Segir konuna hafa verið eina í klefanum

Fréttastofa hefur ítrekað reynt að ná tali af Birni Leifssyni vegna málsins en ekki hefur náðst í hann. Hann ræddi hins vegar við mbl um málið og sagði þar að konan færi með rangt mál. Hún hafi verið eini iðkand­inn í klef­an­um þegar maður­inn, sem Björn segir vera bróður sinn, Sigurð Leifsson, gekk inn.

Þá segir Björn að kven­kyns starfs­mann World Class hafi farið inn og kallað hátt og skil­merki­lega að karl­kyns viðgerðarmaður væri á leið inn í klefann. Maðurinn hefði aldrei gengið inn iðkendum að óvörum.

Björn segir í viðtali við mbl að fleiri þættir í nafn­lausu færsl­unni standist ekki stand­ast skoðun en ekki kemur fram hvaða þættir það eru.

Spurður af blaðamanni mbl hvort hefði ekki verið réttara að sinna viðgerðinni utan opnunartíma sagði Björn: „Það var nú eng­inn drep­inn en þetta er tveggja til þriggja mín­útna verk og yf­ir­leitt gert þegar á þarf að halda til að all­ir geti fengið svona þjón­ustu.“