Sjáðu fyrsta níu pílna leikinn á HM

Kist náði níu pílna leiknum þegar hann kláraði fyrsta settið. Hann náði 180 í tvígang og í þriðju heimsókn sinni tók hann svo út 141.

Fyrir þetta fékk Kist sextíu þúsund pund, eða 10,6 milljónir íslenskra króna. Sama upphæð fór til góðgerðasamtaka og eins heppins áhorfanda í Alexandra höllinni í London þar sem HM fer að venju fram.

Níu pílna leikurinn hjá Kist var sá fyrsti á HM frá því Michael Smith náði því í úrslitaleik HM 2023. Alls hafa verið fimmtán níu pílna leikir í sögu heimsmeistaramótsins.

Þrátt fyrir að afreka það tapaði Kist leiknum, 3-2. Razma mætir Dirk van Duijvenbode í næstu umferð.