HSU réttir upp hönd í aðdraganda Alþingiskosninga Díana Óskarsdóttir skrifar 28. nóvember 2024 09:53 Það er við hæfi í aðdraganda Alþingiskosninga að kjósendur hnippi í stjórnmálafólk og frambjóðendur og forvitnist um áherslur þeirra á sviði heilbrigðisþjónustu á landsbyggðinni. Það er ekki að ástæðulausu sem ég rétti upp hönd fyrir Heilbrigðisstofnun Suðurlands (HSU) og landsbyggðina á þessum tímapunkti og tæpi á nokkrum atriðum sem lúta að nýsköpun, þjónustu, öryggi, mannauði, fjármögnun og stefnumótun. 35 þúsund manna þjónustusvæði HSU þjónar nú um 35 þúsund manns á víðfeðmu 31 þúsund ferkílómetra svæði þar sem dreifðar byggðir og krefjandi veðuraðstæður auka þörfina fyrir sveigjanlegar lausnir. Til að mæta þessari þróun er nauðsynlegt að styrkja innviði, þar með talið húsnæði og tækjabúnað, ásamt því að þróa úrræði á borð við heimaspítala og fjarheilbrigðisþjónustu. Slíkar tæknilausnir stytta ferðalög sjúklinga, bæta nýtingu sérfræðiþekkingar og tryggja aðgengi að þjónustu óháð búsetu. 43% fjölgun í sjúkraflutningum HSU ber ábyrgð á sjúkraflutningum á öllu Suðurlandi, frá Þorlákshöfn í vestri að Höfn í Hornafirði í austri. Svæðið spannar um 31 þúsund ferkílómetra. Á undanförnum árum hefur eftirspurn eftir sjúkraflutningum á Suðurlandi aukist verulega. Þróunina má að mestu rekja til fjölgunar íbúa, sem hefur aukist um 17% á síðustu fimm árum, ásamt því að svæðið tekur á móti um 80% allra ferðamanna sem heimsækja Ísland ár hvert. Auk þess eru á svæðinu um 8.000 sumarhús, sem mörg hver eru nýtt allt árið um kring. Á meðfylgjandi mynd má sjá þróun fjölda sjúkraflutninga hjá HSU frá árinu 2020 til 2023, en þeim hefur fjölgað á tímabilinu um 43%. Til að bregðast við þessum vexti er nauðsynlegt að fjölga sjúkraflutningafólki hjá HSU og er ósk um þau útgjöld nú til meðferðar í heilbrigðisráðuneytinu. Yfirlit yfir fjölda útkalla sjúkraflutninga á Suðurlandi á tímabilinu 2020 til 2023. Tölurnar sýna annars vegar útköll í Árnessýslu og austur á Kirkjubæjarklaustur og hins vegar útköll á öllu starfssvæði HSU, þar með talið í Vestmannaeyjum og á Höfn. Heimaspítalinn fær frábærar viðtökur Með nýsköpunarverkefnum eins og fjarheilbrigðisþjónustu og Heimaspítala HSU höfum við hjá HSU unnið að því að bæta aðgengi að þjónustu og draga úr álagi á sjúkrahús. Heimaspítalinn hefur fengið frábærar viðtökur og við höfum hug á því að þróa þessa þjónustu áfram, enda bætir hann þjónustuna við skjólstæðinga okkar ásamt því að stuðla að betri nýtingu fjármagns og starfsauðlinda. Markmið Heimaspítala HSU er að styðja við sjálfstæða búsetu eldra fólks, auka öryggi skjólstæðinga og lífsgæði þeirra, fækka innlögnum á sjúkrahús og stytta innlagnartíma. Þjónustan snýst einkum um annars vegar læknis- og hjúkrunarþjónustu í heimahúsi og hins vegar líknarþjónustu í heimahúsi. Fjarvöktun með fjarheilbrigðistækni Fjarvöktun HSU með fjarheilbrigðistækni á það sameiginlegt með Heimaspítala HSU að hún er að mörgu leyti að styðja við sama skjólstæðingahópinn, fyrst og fremst eldra fólk. Fjarvöktunin styrkir eftirlit með skjólstæðingum með langvinna sjúkdóma og stuðlar að umbótum, nýbreytni og auknum gæðum í heilbrigðisþjónustu. HSU notast í þessu verkefni við norskan fjarvöktunarhugbúnað frá Dignio. Margvíslegur ávinningur fjarvöktunar Vöktunin fer þannig fram að skjólstæðingar framkvæma mælingar í heimahúsi sem síðan er fylgst með á skjáborði á heilsugæslunni. Um er að ræða stöðugar og samfelldar mælingar sem eru áreiðanlegri en tilfallandi stakar mælingar sem gerðar eru á stöð. Ávinningurinn er margskonar og skjólstæðingar bæði njóta og finna til aukins öryggis, vitandi að fylgst er náið með þeim. Þjónustan er því bæði hagkvæmari og skilvirkari en aðrar lausnir og hefur reynst afskaplega farsæl hjá HSU. Þessi þjónustu kemur sér sérstaklega vel á okkar þjónustusvæði þar sem vegalengdir geta verið miklar. Öflug heilbrigðisstofnun HSU gegnir lykilhlutverki í heilbrigðisþjónustu á Suðurlandi og er grundvöllur velferðar og öryggis íbúa og gesta á svæðinu. Með fjölbreytta þjónustu á sviði heilsugæslu-, sjúkrahús- og öldrunarþjónustu sinnir HSU stærsta þjónustusvæði á landsbyggðinni. Stofnunin rekur 9 heilsugæslustöðvar á 10 starfsstöðvum, 2 sjúkrahús og 4 hjúkrunarheimili, auk þess sem hún sinnir bráðaþjónustu með 20 þúsund árlegum komum og sjúkraflutningum um allt umdæmið. Hjá HSU starfa núna um 850 starfsmenn í 550 stöðugildum og stofnuninni er árlega úthlutað um 11 til 12 milljörðum króna í fjárlögum til að sinna fjölbreyttum og umfangsmiklum verkefnum. Með um 35 þúsund manns á þjónustusvæði sínu og ört vaxandi eftirspurn fyrir heilbrigðisþjónustu á landsbyggðinni stendur Heilbrigðisstofnun Suðurlands (HSU) frammi fyrir nýjum áskorunum og þjónustuþörf ört vaxandi umdæmis, sem nauðsynlegt er að stjórnvöld styðji við. Tæknilausnir skipta sköpum Markmið HSU er að tryggja örugga, faglega og aðgengilega heilbrigðisþjónustu fyrir öll, óháð búsetu, efnahag eða uppruna, og stuðla þannig að betri heilsu og lífsgæði íbúa á Suðurlandi. Svæðið er víðfeðmt og með dreifðar byggðir þar sem vegalengdir eru oft miklar og veðuraðstæður geta verið krefjandi. Til að mæta þessum áskorunum er nauðsynlegt að styrkja heilsugæslustöðvar á lykilstöðum og þróa úrræði á borð við fjarheilbrigðisþjónustu. Tæknilausnir geta skipt sköpum, ekki aðeins til að stytta ferðalög sjúklinga heldur einnig til að nýta betur tíma og sérfræðiþekkingu heilbrigðisstarfsfólks. Sveigjanleg viðbragðsþjónusta Ferðamannastraumurinn hefur jafnframt áhrif á heilbrigðisþjónustuna. Með mikinn fjölda ferðamanna þar sem náttúruperlur eins og Gullni hringurinn, Jökulsárlón og Skaftafell laða að sér gesti, er nauðsynlegt að bregðast við með sveigjanlegum lausnum. Þetta gæti falið í sér aukna neyðarþjónustu og viðbúnað til að takast á við bráðaástand, svo sem slys eða veikindi á afskekktum svæðum. Mannauður Til að tryggja góða heilbrigðisþjónustu er nauðsynlegt að laða að hæft starfsfólk og bjóða því aðstöðu í takti við þarfir dagsins. Skortur á heilbrigðisstarfsfólki er áskorun um allt land og Suðurland er engin undantekning. HSU þarf að bjóða samkeppnishæf laun, aðstöðu til starfsþróunar og vinnuumhverfi sem styður við jafnvægi á milli vinnu og einkalífs. Fjármögnun Ljóst er að heilbrigðiskerfið getur illa staðið undir öllum væntingum án nægilegrar fjármögnunar. HSU þarf fjármagn til að viðhalda og bæta innviði, endurnýja tæki og innleiða nýsköpunarverkefni. Þetta er sér í lagi mikilvægt á þjónustusvæði þar sem þarfir íbúa og ferðafólks eru síbreytilegar. Framtíðarsýn Langtímasýn og stefnumótun er sömuleiðis lykilatriði. HSU þarf að horfa til framtíðar og aðlagast breyttum samfélagsþörfum, þar á meðal vaxandi hlutverki lýðheilsu. Áhersla á forvarnir, eins og stuðning við heilsusamlega lifnaðarhætti og geðheilbrigði, getur skilað sér í betri lífsgæðum íbúa og minna álagi á heilbrigðiskerfið til lengri tíma litið. Aukið samstarf milli stofnana Þar sem umfangsmiklar sérhæfðar aðgerðir eru oft framkvæmdar á stærri sjúkrahúsum eins og Landspítala, er mikilvægt að byggja upp samstarf milli HSU og stærri heilbrigðisstofnana. Með slíku samstarfi er hægt að tryggja að íbúar Suðurlands fái bæði nauðsynlega grunnþjónustu á svæðinu og aðgengi að flóknari meðferðum eftir þörfum. Boltinn er hjá stjórnvöldum Með skýrri stefnu í aðgengi, fjármögnun, mannauði og samráði getur HSU lagt grunn að framúrskarandi heilbrigðisþjónustu á Suðurlandi. Á sama tíma eru miklar áskoranir fólgnar í íbúafjölgun á þjónustusvæðinu, vaxandi hlutfalli eldri borgara og vaxandi ákalli íbúa um bráðaviðbragð og öryggi óháð fjarlægðum. HSU er vissulega að mæta þessum ögrandi viðfangsefnum með nýsköpun á borð við Heimaspítalann og fjarvöktunarþjónustu. Mikilvægt er þó að fjármagn fylgi stóraukinni þjónustuþörf. Spyrjum þess vegna stjórnmálafólkið okkar: Hvernig ætla stjórnvöld að tryggja og styðja við vegferð HSU? Höfundur er forstjóri Heilbrigðisstofnunar Suðurlands. Viltu birta grein á Vísi? Sendu okkur póst. Senda grein Heilbrigðisstofnun Suðurlands Heilbrigðismál Skoðun: Alþingiskosningar 2024 Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun Skólarnir lokaðir - myglan vinnur Guðmundur Þórir Sigurðsson Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun Skoðun Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Sjá meira
Það er við hæfi í aðdraganda Alþingiskosninga að kjósendur hnippi í stjórnmálafólk og frambjóðendur og forvitnist um áherslur þeirra á sviði heilbrigðisþjónustu á landsbyggðinni. Það er ekki að ástæðulausu sem ég rétti upp hönd fyrir Heilbrigðisstofnun Suðurlands (HSU) og landsbyggðina á þessum tímapunkti og tæpi á nokkrum atriðum sem lúta að nýsköpun, þjónustu, öryggi, mannauði, fjármögnun og stefnumótun. 35 þúsund manna þjónustusvæði HSU þjónar nú um 35 þúsund manns á víðfeðmu 31 þúsund ferkílómetra svæði þar sem dreifðar byggðir og krefjandi veðuraðstæður auka þörfina fyrir sveigjanlegar lausnir. Til að mæta þessari þróun er nauðsynlegt að styrkja innviði, þar með talið húsnæði og tækjabúnað, ásamt því að þróa úrræði á borð við heimaspítala og fjarheilbrigðisþjónustu. Slíkar tæknilausnir stytta ferðalög sjúklinga, bæta nýtingu sérfræðiþekkingar og tryggja aðgengi að þjónustu óháð búsetu. 43% fjölgun í sjúkraflutningum HSU ber ábyrgð á sjúkraflutningum á öllu Suðurlandi, frá Þorlákshöfn í vestri að Höfn í Hornafirði í austri. Svæðið spannar um 31 þúsund ferkílómetra. Á undanförnum árum hefur eftirspurn eftir sjúkraflutningum á Suðurlandi aukist verulega. Þróunina má að mestu rekja til fjölgunar íbúa, sem hefur aukist um 17% á síðustu fimm árum, ásamt því að svæðið tekur á móti um 80% allra ferðamanna sem heimsækja Ísland ár hvert. Auk þess eru á svæðinu um 8.000 sumarhús, sem mörg hver eru nýtt allt árið um kring. Á meðfylgjandi mynd má sjá þróun fjölda sjúkraflutninga hjá HSU frá árinu 2020 til 2023, en þeim hefur fjölgað á tímabilinu um 43%. Til að bregðast við þessum vexti er nauðsynlegt að fjölga sjúkraflutningafólki hjá HSU og er ósk um þau útgjöld nú til meðferðar í heilbrigðisráðuneytinu. Yfirlit yfir fjölda útkalla sjúkraflutninga á Suðurlandi á tímabilinu 2020 til 2023. Tölurnar sýna annars vegar útköll í Árnessýslu og austur á Kirkjubæjarklaustur og hins vegar útköll á öllu starfssvæði HSU, þar með talið í Vestmannaeyjum og á Höfn. Heimaspítalinn fær frábærar viðtökur Með nýsköpunarverkefnum eins og fjarheilbrigðisþjónustu og Heimaspítala HSU höfum við hjá HSU unnið að því að bæta aðgengi að þjónustu og draga úr álagi á sjúkrahús. Heimaspítalinn hefur fengið frábærar viðtökur og við höfum hug á því að þróa þessa þjónustu áfram, enda bætir hann þjónustuna við skjólstæðinga okkar ásamt því að stuðla að betri nýtingu fjármagns og starfsauðlinda. Markmið Heimaspítala HSU er að styðja við sjálfstæða búsetu eldra fólks, auka öryggi skjólstæðinga og lífsgæði þeirra, fækka innlögnum á sjúkrahús og stytta innlagnartíma. Þjónustan snýst einkum um annars vegar læknis- og hjúkrunarþjónustu í heimahúsi og hins vegar líknarþjónustu í heimahúsi. Fjarvöktun með fjarheilbrigðistækni Fjarvöktun HSU með fjarheilbrigðistækni á það sameiginlegt með Heimaspítala HSU að hún er að mörgu leyti að styðja við sama skjólstæðingahópinn, fyrst og fremst eldra fólk. Fjarvöktunin styrkir eftirlit með skjólstæðingum með langvinna sjúkdóma og stuðlar að umbótum, nýbreytni og auknum gæðum í heilbrigðisþjónustu. HSU notast í þessu verkefni við norskan fjarvöktunarhugbúnað frá Dignio. Margvíslegur ávinningur fjarvöktunar Vöktunin fer þannig fram að skjólstæðingar framkvæma mælingar í heimahúsi sem síðan er fylgst með á skjáborði á heilsugæslunni. Um er að ræða stöðugar og samfelldar mælingar sem eru áreiðanlegri en tilfallandi stakar mælingar sem gerðar eru á stöð. Ávinningurinn er margskonar og skjólstæðingar bæði njóta og finna til aukins öryggis, vitandi að fylgst er náið með þeim. Þjónustan er því bæði hagkvæmari og skilvirkari en aðrar lausnir og hefur reynst afskaplega farsæl hjá HSU. Þessi þjónustu kemur sér sérstaklega vel á okkar þjónustusvæði þar sem vegalengdir geta verið miklar. Öflug heilbrigðisstofnun HSU gegnir lykilhlutverki í heilbrigðisþjónustu á Suðurlandi og er grundvöllur velferðar og öryggis íbúa og gesta á svæðinu. Með fjölbreytta þjónustu á sviði heilsugæslu-, sjúkrahús- og öldrunarþjónustu sinnir HSU stærsta þjónustusvæði á landsbyggðinni. Stofnunin rekur 9 heilsugæslustöðvar á 10 starfsstöðvum, 2 sjúkrahús og 4 hjúkrunarheimili, auk þess sem hún sinnir bráðaþjónustu með 20 þúsund árlegum komum og sjúkraflutningum um allt umdæmið. Hjá HSU starfa núna um 850 starfsmenn í 550 stöðugildum og stofnuninni er árlega úthlutað um 11 til 12 milljörðum króna í fjárlögum til að sinna fjölbreyttum og umfangsmiklum verkefnum. Með um 35 þúsund manns á þjónustusvæði sínu og ört vaxandi eftirspurn fyrir heilbrigðisþjónustu á landsbyggðinni stendur Heilbrigðisstofnun Suðurlands (HSU) frammi fyrir nýjum áskorunum og þjónustuþörf ört vaxandi umdæmis, sem nauðsynlegt er að stjórnvöld styðji við. Tæknilausnir skipta sköpum Markmið HSU er að tryggja örugga, faglega og aðgengilega heilbrigðisþjónustu fyrir öll, óháð búsetu, efnahag eða uppruna, og stuðla þannig að betri heilsu og lífsgæði íbúa á Suðurlandi. Svæðið er víðfeðmt og með dreifðar byggðir þar sem vegalengdir eru oft miklar og veðuraðstæður geta verið krefjandi. Til að mæta þessum áskorunum er nauðsynlegt að styrkja heilsugæslustöðvar á lykilstöðum og þróa úrræði á borð við fjarheilbrigðisþjónustu. Tæknilausnir geta skipt sköpum, ekki aðeins til að stytta ferðalög sjúklinga heldur einnig til að nýta betur tíma og sérfræðiþekkingu heilbrigðisstarfsfólks. Sveigjanleg viðbragðsþjónusta Ferðamannastraumurinn hefur jafnframt áhrif á heilbrigðisþjónustuna. Með mikinn fjölda ferðamanna þar sem náttúruperlur eins og Gullni hringurinn, Jökulsárlón og Skaftafell laða að sér gesti, er nauðsynlegt að bregðast við með sveigjanlegum lausnum. Þetta gæti falið í sér aukna neyðarþjónustu og viðbúnað til að takast á við bráðaástand, svo sem slys eða veikindi á afskekktum svæðum. Mannauður Til að tryggja góða heilbrigðisþjónustu er nauðsynlegt að laða að hæft starfsfólk og bjóða því aðstöðu í takti við þarfir dagsins. Skortur á heilbrigðisstarfsfólki er áskorun um allt land og Suðurland er engin undantekning. HSU þarf að bjóða samkeppnishæf laun, aðstöðu til starfsþróunar og vinnuumhverfi sem styður við jafnvægi á milli vinnu og einkalífs. Fjármögnun Ljóst er að heilbrigðiskerfið getur illa staðið undir öllum væntingum án nægilegrar fjármögnunar. HSU þarf fjármagn til að viðhalda og bæta innviði, endurnýja tæki og innleiða nýsköpunarverkefni. Þetta er sér í lagi mikilvægt á þjónustusvæði þar sem þarfir íbúa og ferðafólks eru síbreytilegar. Framtíðarsýn Langtímasýn og stefnumótun er sömuleiðis lykilatriði. HSU þarf að horfa til framtíðar og aðlagast breyttum samfélagsþörfum, þar á meðal vaxandi hlutverki lýðheilsu. Áhersla á forvarnir, eins og stuðning við heilsusamlega lifnaðarhætti og geðheilbrigði, getur skilað sér í betri lífsgæðum íbúa og minna álagi á heilbrigðiskerfið til lengri tíma litið. Aukið samstarf milli stofnana Þar sem umfangsmiklar sérhæfðar aðgerðir eru oft framkvæmdar á stærri sjúkrahúsum eins og Landspítala, er mikilvægt að byggja upp samstarf milli HSU og stærri heilbrigðisstofnana. Með slíku samstarfi er hægt að tryggja að íbúar Suðurlands fái bæði nauðsynlega grunnþjónustu á svæðinu og aðgengi að flóknari meðferðum eftir þörfum. Boltinn er hjá stjórnvöldum Með skýrri stefnu í aðgengi, fjármögnun, mannauði og samráði getur HSU lagt grunn að framúrskarandi heilbrigðisþjónustu á Suðurlandi. Á sama tíma eru miklar áskoranir fólgnar í íbúafjölgun á þjónustusvæðinu, vaxandi hlutfalli eldri borgara og vaxandi ákalli íbúa um bráðaviðbragð og öryggi óháð fjarlægðum. HSU er vissulega að mæta þessum ögrandi viðfangsefnum með nýsköpun á borð við Heimaspítalann og fjarvöktunarþjónustu. Mikilvægt er þó að fjármagn fylgi stóraukinni þjónustuþörf. Spyrjum þess vegna stjórnmálafólkið okkar: Hvernig ætla stjórnvöld að tryggja og styðja við vegferð HSU? Höfundur er forstjóri Heilbrigðisstofnunar Suðurlands.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun