Framarar á­fram á sigur­braut í Lamb­haga­höllinni

Fram vann á endanum með sex marka mun, 34-28, eftir að hafa verið sex mörkum yfir í hálfleik, 19-13.

KA-menn komu mjög sterkir inn í seinni hálfleikinn og minnkuðu muninn niður í eitt mark um miðja seinni hálfleik, Framliðið var hins vegar sterkara og kláraði leikinn með sannfærandi hætti.

Reynir Þór Stefánsson var markahæstur hjá Fram með tíu mörk en Ívar Logi Styrmirsson skoraði sex mörk. Þeir Rúnar Kárason og Reynir Þór Stefánsson voru með fimm mörk hvor.

Bjarni Ófeigur Valdimarsson var öflugur hjá KA með ellefu mörk og Norðmaðurinn Nicolai Kristensen varði vel í markinu. Arnór Ísak Haddsson skoraði fjögur mörk.

Sigurinn skilar Framliðinu upp í annar sæti deildarinnar en auk þess að vinna alla þrjá heimaleiki sína hefur liðið unnið fjóra af síðustu fimm deildarleikjum sínum.

KA-menn eru aftur á móti einir á botni deildarinnar með aðeins eins sigur í fyrstu sex leikjum sínum.