Orri á óska­lista Real Sociedad

Radio Marca greinir frá því að Orri sé á blaði hjá forráðamönnum Real Sociedad. Hann gæti því fetað í fótspor Alfreðs Finnbogasonar sem lék með Real Sociedad á árunum 2014-16. 

Orri hefur byrjað tímabilið með FC Kaupmannahöfn vel og skorað sex mörk í níu leikjum fyrir liðið. Þar af eru fjögur mörk í fimm leikjum í dönsku úrvalsdeildinni.

Real Sociedad endaði í 6. sæti spænsku úrvalsdeildarinnar á síðasta tímabili. Þarsíðastsa tímabil lenti liðið í 4. sæti og vann sér þátttökurétt í riðlakeppni Meistaradeildar Evrópu.

Orri, sem verður tvítugur á fimmtudaginn í næstu viku, hefur skorað tvö mörk í átta A-landsleikjum.