Væri til í bón­orð áður en hún deyr

Guðrún segist vera mikið fiðrildi og súkkulaðifíkíll sem þykir fátt betra en að vera með mörg járn í eldinum. Nýverið gaf hún út sína fyrstu bók sem heitir Fyrsta árið og er minningarbók barnsins.

Guðrún Helga Sörtveit sýnir lesendum Vísis hina hliðina þessa vikuna.

Fullt nafn? Guðrún Helga Sørtveit.

Aldur? 30 ára.

Starf? Erfitt að segja eitthvað eitt eða ákveðið starfsheiti en starfa við efnissköpun á samfélagsmiðlum eða með öðrum orðum, áhrifavaldur. Einnig er ég með hlaðvarpið Mömmulífið ásamt Ástrós Traustadóttur. Nýjasta verkefnið mitt er bókin mín, Fyrsta árið, sem ég var að gefa út og er minningabók barnsins. Ég er mikið fiðrildi og elska að vera með mörg járn í eldinum, ætli ég flokkist ekki undir athafnakonu núna?

Fjölskyldan? Ég á kærasta og tvö börn, stelpu og strák sem eru fjögurra og tveggja ára.

Með hverjum býrðu? Ég bý með Steinari kærastanum mínum og börnunum okkar tveimur sem heita Áslaug Rún og Jökull Askur.

Hvað er á döfinni? Ég var að gefa út bókina og er á fullu að vinna að því, og klára seríu tvö af Mömmulífið.

Þín mesta gæfa í lífinu? Það eru án efa börnin mín tvö, kærasti minn Steinar. Síðan er ég mjög náin fjölskyldu minni og finnst þau vera líka ein mín mesta gæfan í lífinu.

Hvað sérðu þig eftir tíu ár? Vonandi bara ennþá hamingjusöm og heilbrigð.

Hvað viltu upplifa áður en þú deyrð? Það væri gaman að fá bónorð, nei ég segi svona. Númer eitt tvö og þrjú er að fylgjast með börnunum mínum vaxa og dafna og upplifa heiminn með þeim.

Ertu með einhvern bucket-lista? Já eru ekki allir með bucket-lista. Margt sem mig langar að gera og stefni að. Bucket-listinn hefur samt breyst mikið og núna er ég spennt að upplifa lífið í gegnum börnin mín.

Besta heilræði sem þú hefur fengið? Vera alltaf góð við alla og koma fram við alla af virðingu. Foreldrar mínir kenndu mér strax að koma að fram við alla af virðingu og að allir séu jafnir. 

Síðan finnst mér setningin „Kill them with kindness“ líka alltaf og góð.

Hvað hefur mótað þig mest? Það hefur margt mótað mig í gegnum tíðina en ég klessti harkalega á vegg fyrir rúmum tveimur árum og það kenndi mér mjög mikið. Ég hélt að ég væri að fá hjartaáfall en kom bara í ljós að ég var undir miklu álagi og taugakerfið var orðið mjög viðkvæmt. Það var erfitt tímabil. Þurfti að fara í mikla sjálfsvinnu. Mér finnst líka börnin mín hafa mótað mig mikið.

Hvað gerirðu til að endurhlaða batteríin? Ég er ekki nógu dugleg að setja sjálfan mig í fyrsta sæti. Mér finnst gott að fara út að ganga með podcast í eyrunum. Síðan finnst mér gaman að hitta vinkonur mínar eða fara á date night og bara aðeins gleyma rútínunni.

Uppskrift að drauma sunnudegi? Ég elska sunnudaga en einu sinni voru það einu frídagarnir okkar og er þessi dagur heilagur fyrir mér. Það er brunch með fjölskyldunni og eiga bara rólegan dag með þeim, vera með stórfjölskyldunni og borða sunnudagslærið með þeim. Síðan enda kvöldið á kósýkvöldi með Steinari mínum.

Uppáhalds staðurinn á heimilinu? Það er eiginlega bara alrýmið, eldhúsið og stofan, við erum alltaf þar. Síðan er herbergið hjá dóttur minni í miklu uppáhaldi og ég er núna alls ekki að gera uppá milli þeirra haha. Við eigum bara eftir að klára herbergið hjá syni okkar. Þannig barnaherbergin verða í uppáhaldi.

Fallegasti staður á landinu? Vá svo margir fallegir staðir á Íslandi. Ég þarf að vera duglegri að skoða landið mitt. Veit ekki hvort það sé aldurinn en kann svo miklu meira að meta náttúruna og elska að vera þar.

En í heiminum? Ég hef ekki ferðast mikið á framandi slóðir þannig en mér finnst fjörðurinn í Noregi þar sem amma mín og afi búa einstaklega fallegur og finnst ég alltaf vera komin heim þegar ég kem þangað.

Hvað er það fyrsta sem þú gerir þú vaknar? Það er að taka strákinn minn uppúr rúminu sem vaknar yfirleitt 05:30 eða 06:00. Við förum fram og stelpan mín vaknar yfirleitt stuttu seinna. Síðan fer bara rútínan í gang.

En það síðasta sem þú gerir áður en þú ferð að sofa? Kyssa Steinar góða nótt, fer inn í herbergi hjá krökkunum og kíki á þau áður en ég fer að sofa.

Hugarðu að heilsunni, þá hvernig? Já eða ég er allavega alltaf að reyna. Ég borða frekar hollan og góðan mat, reyni að velja alltaf lífrænt ef ég get en er ALGJÖR súkkulaði fíkill. 

Núna er ég að reyna huga að öllum hlutunum af heilsu, svefn, andlega, hreyfing og mataræði.

Hvað ætlaðir þú að verða þegar þú yrðir stór? Þegar ég var lítil langaði mig að verða dýralæknir og hjálpa dýrum.

Hvenær fórstu að gráta síðast og af hverju? Þegar dóttir mín fór í aðgerð.

Ertu A eða B týpa? Ég er B týpa sem langar að vera A týpa og neyðist til þess að vera A týpa þar sem börnin mín vakna yfirleitt 05:30- 6:00 alla morgna.

Hvaða tungumál talarðu? Ég var á málabraut í menntaskóla og ætti því að geta talað fimm tungumál en raunin er sú að ég að tala íslensku, ensku og gæti kannski bjargað mér á dönsku, spænsku og þýsku.

Býrðu yfir einhverjum leyndum hæfileikum? Nei ég held ekki.

Hvaða ofurkröfum myndir þú vilja búa yfir? Geta gert suma hluti á speed. 

Þá gæti ég tekið til mjög hratt til dæmis.

Hvað stendur í síðustu FB-skilaboðunum sem þú sendir? „Já reddast allt“.

Draumabíllinn þinn? Mjög lítil bílakona og veit varla hvernig bíl ég er á sjálf en draumurinn er bara nógu stór bíll fyrir allt dótið sem fylgir krökkunum.

Hælar eða strigaskór? Langar að segja hælar en vel alltaf frekar strigaskó.

Fyrsti kossinn? Úff það var bara í eitthverju heimapartý í Hafnarfirði.

Óttastu eitthvað? Já er algjör kvíðapési þannig það er margt.

Hvað ertu að hámhorfa á? Ég eiginlega alltaf bara á það sama en ég elska góða raunveruleika þætti eða bara Modern family.

Hvaða lag kemur þér alltaf í gírinn? Vá svo mörg! En bara eitthvað með Queen B.