Mikið svif­ryk í borginni og gos­móða lík­leg síðar í dag

Þetta kemur fram í frétt á vef Reykjavíkurborgar í dag.

Heilbrigðiseftirlit Reykjavíkur mælist til þess að þeir sem eru viðkvæmir í öndunarfærum, aldraðir og börn ættu að forðast útivist í lengri tíma og takmarka áreynslu utandyra ef gildi svifryks eru há.

Á vef Veðurstofunnar segir að seinni partinn í dag sé útlit fyrir breytilega átt, og því líklegt að gasið frá gosstöðvunum við Sundhnúka dreifist víða um Reykjanes og höfuðborgarsvæðið með auknum líkum á gosmóðu.

Hægt er að fylgjast með styrk svifryks og annarra mengandi efna á loftgaedi.is.

Lofgæði víða um Reykjavík eru merkt í gulum flokki, sæmileg, í dag.

Skýring:

Mjög góð = Lítil sem engin loftmengun. Líklega engin heilsufarsleg áhrif.

Góð = Lítilsháttar loftmengun. Lítil sem engin heilsufarsleg áhrif.

Sæmileg = Nokkur loftmengun. Mjög viðkvæmir einstaklingar og einstaklingar með astma eða aðra undirliggjandi lungna- og/eða hjartasjúkdóma geta fundið fyrir einkennum vegna aukins styrks loftmengunarefna í andrúmslofti.