Óeirðaástand í Buenos Aires vegna aðgerðarpakka Milei

Mótmælendurnir vilja meina að þessi aðgerðapakki Milei muni skaða milljónir Argentínumanna. Í mótmælunum köstuðu þeir bensínsprengjum og kveiktu í bílum.

Argentínskir fjölmiðlar lýsa ástandinu sem vígvelli. En tugir mótmælenda og að minnsta kosti tuttugu lögreglumenn eru sagðir slasaðir eftir mótmælin sem og nokkrir þingmenn.

BBC fjallar um málið, en þar segir að í þessum aðgerðarpakka Milei felst að lýst verði yfir neyðarástandi í efnahagsmálum, eftirlaun lækkuð, og réttindi verkafólks minnkuð.

Líkt og áður segir samþykkti öldungardeild þingsins þessar aðgerðir í gær. Í fyrstu var algjör pattstaða þar sem þingmenn greiddu jafnmörg atkvæði með og á móti. Það var varaforseti Argentínu, Victoria Villarruel, sem kom þeim úr pattstöðunni og greiddi atkvæði með pakkanum.

Þó á pakkinn eftir að fara fyrir neðri deild þingsins.