Fótbolti

Á­fall fyrir Pól­verja

Henry Birgir Gunnarsson skrifar
Lewandowski er algjör lykilmaður í pólska liðinu.
Lewandowski er algjör lykilmaður í pólska liðinu. vísir/getty

Pólska landsliðið varð fyrir áfalli í dag þegar aðeins eru nokkrir dagar í að EM hefjist.

Það kom í ljós í dag að stjörnuframherji pólska liðsins, Robert Lewandowski, geti ekki spilað með liðinu í fyrsta leik þess á mótinu.

Lewandowski er að glíma við meiðsli í læri og hann verður ekki búinn að ná sér er Pólverjar spila gegn Hollandi á sunnudag.

Þessi 35 ára gamli framherji meiddist í vináttulandsleik gegn Tyrkjum á mánudag.

Annar leikur Pólverja er gegn Austurríki þann 21. júní og Lewandowski er í kappi við tímann að ná þeim leik.

EM 2024 í Þýskalandi

Mest lesið


Fleiri fréttir

Sjá meira


×

Mest lesið