Skíðastjarna Ítalíu og kærasta hans létust í slysi í Ölpunum

Ítalska skíðasambandið greindi frá þessum válegu tíðindum og vottaði ættingjum og vinum þeirra samúðarkveðjur.

Fjölskyldur Pessions og Arlains fóru að hafa áhyggjur þegar þau höfðu ekki skilað sér heim úr skíðaferð í Ölpunum. Hófst þá víðtæk leit sem lauk með því að þau fundust látin. Talið er að þau hafi fallið úr rúmlega sjö hundruð metra hæð en þá voru þau í göngu.

Pession var framarlega í hópi helstu skíðakappa Ítala og keppti meðal annars fyrir hönd þjóðar sinnar á HM fyrir tveimur árum. Hann komst hæst í 15. sæti heimslistans.

Arlain var skíðaleiðbeinandi auk þess að kenna í grunnskóla.