Kefla­vík er 10-0 á móti Njarð­vík í körfunni í vetur

Keflavíkurkonur eru komnar í 2-0 í úrslitaeinvígi Subway deildar kvenna í körfubolta eftir tíu stiga sigur í Ljónagryfjunni í Njarðvík í gær.

Keflavíkurliðið getur því tryggt sér Íslandsmeistaratitilinn í næsta leik sem fram fer í Blue-höllinni í Keflavík á miðvikudagskvöldið.

Þær geta líka með sigri í þeim leik séð til þess að Keflavík sópi Njarðvík á tímabilinu í deild, bikar og úrslitakeppni hjá báðum kynjum.

Kvennalið Keflavíkur vann alla fjóra deildarleiki sína á móti Njarðvík, sló Njarðvík út úr undanúrslitum bikarsins og hefur síðan unnið tvo fyrstu leiki úrslitaeinvígsins. Alls sjö sigrar í sjö leikjum.

Karlalið Keflavíkur vann báða deildarleiki sína á móti Njarðvík í vetur og sló Njarðvík einnig út úr 32 liða úrslitum bikarkeppninnar. Alls þrír sigrar í þrír leikjum.

Keflavík er því 10-0 á móti Njarðvík í körfunni í vetur en það má sjá þessa tíu leiki hér fyrir neðan.