Birna með slitið krossband og missir af úrslitaeinvíginu

Birna varð fyrir því óláni að slíta krossband í hné og tekur því engan þátt í úrslitaeinvíginu gegn Njarðvík sem hefst á morgun.

Það er Karfan.is sem greinir frá því að Birna hafi meiðst í oddaleik Keflavíkur og Stjörnunnar um laust sæti í úrslitaeinvíginu, en þar segir að forráðamaður félagsins hafi staðfest tíðindin við miðilinn.

Niðurstaða ómskoðunar hafi leitt í ljós rifu á liðþófa og slitið krossband og því er ljóst er að Birna verður frá keppni í lengri tíma. Slík meiðsli þýða yfirleitt sex til níu mánaða fjarveru og því má gera ráð fyrir að Birna verði frá keppni að minnsta kosti til loka þessa árs og jafnvel lengur.