Hæsta vind­mylla heims á landi reist í Dan­mörku

Fyrirtækið Vestas sér um að reisa vindmylluna sem er 266 metrar að hæð og er með fimmtán megavatta túrbínu. Hún er rúmlega þrisvar sinnum hærri en Hallgrímskirkja og hundrað metrum hærri en hæsti náttúrulegi punktur Danmerkur en það er toppurinn á Møllehøj sem er í 170 metra hæð. 

Í samtali við danska ríkisútvarpið segir Jens Jørgen Birch verkstjóri þetta vera mikinn gleðidag. 

„Það hefur ekki nokkur maður mótmælt þessu og nú erum við að reisa vindmyllu á svæðinu í fjórða sinn og samfélagið er með okkur í þessu,“ segir Birch.