Báðust af­sökunar á um­mælum á ÍR TV

ÍR-ingar voru lengi vel á toppnum í vetur en misstu af deildarmeistaratitlinum á lokasprettinum.

Þeir mæta Selfossi í átta liða úrslitum úrslitakeppninnar. ÍR vann þrettán stiga sigur í fyrsta leiknum, 100-87 en leikur tvö er á Selfossi klukkan 19.15 í kvöld.

Eftir fyrsta leikinn, sem fram fór á heimavelli ÍR, þá þurfti körfuknattleiksdeild ÍR að senda frá sér afsökunarbeiðnir vegna lýsingar á leiknum á ÍR TV. Þar talaði viðkomandi niðrandi um einn leikmann Selfossliðsins.

Hér fyrir neðan má hlusta á það af hverju ÍR-ingar þurftu að senda frá sér þessa afsökunarbeiðni.

ÍR harmar ummælin og óskar þess að þessi ummæli setji ekki meiri svip á einvígi tveggja flottra körfuboltaliða. Það má sjá yfirlýsinguna hér fyrir neðan.