Fótbolti

Hákon byrjaði gegn Brest en komst ekki á blað

Ágúst Orri Arnarson skrifar
Hákon Arnar Haraldsson og félagar í Lille vonast eftir sæti í Meistaradeildinni á næsta ári.
Hákon Arnar Haraldsson og félagar í Lille vonast eftir sæti í Meistaradeildinni á næsta ári. Getty/Catherine Steenkeste

Hákon Arnar Haraldsson var í byrjunarliði Lille í 1-1 jafntefli á útivelli gegn Brest. Þetta var fjórði deildarleikurinn í röð sem Hákon byrjar, en þriðji leikurinn í röð sem hann hvorki skorar né gefur stoðsendingu. 

Stigið tók Lille upp í 4. sæti deildarinnar, með 43 stig. Þeir eru jafnir Nice að stigum en sitja ofar á markatölu.

Baráttan er hörð um að komast í efstu þrjú sætin, sem veita þátttöku í Meistaradeildinni á næsta tímabili. Átta umferðir eru eftir og fyrir ofan Lille eru Monaco með 45 stig, Brest með 47 stig og PSG með 56 stig.

Það var hart tekist á í fyrri hálfleik, bæði lið spiluðu fínan flæðandi fótbolta og sköpuðu sér ágætis marktækifæri en hvorugu þeirra tókst að koma boltanum í netið.

Hákon Arnar var vel inni í leiknum og átti gott skot, eitt af þremur skotum Lille í fyrri hálfleik sem rataði á markið en í öll skiptin sá Marco Bizot, markvörður Brest, við þeim.

Lille tók forystuna á 67. mínútu, Jonathan David skoraði markið eftir góðan undirbúning Angel Gomes. Það hélst þó ekki lengi því heimamenn jöfnuðu rétt um tíu mínútum síðar með marki frá Martín Satriano.

Hákon Arnar fór af velli á 84. mínútu fyrir Adam Ounas. Hákon átti þrjú skot í leiknum, þrjú þeirra rötuðu á markið.

Mörkin urðu ekki fleiri í leiknum og liðin þurftu að sætta sig við eitt stig.

Franski boltinn

Mest lesið


Fleiri fréttir

Sjá meira


×

Mest lesið