Árni Stefán fær 400 þúsund króna styrk

Um er að ræða sérstakan styrk frá Hafnarfjarðarbæ, nánar tiltekið er það bæjarminjavörður Hafnarfjarðarbæjar sem leggur fram tillögu og menningar- og ferðamálanefnd samþykkir að styrkja sex aðila um mismunandi upphæðir úr húsaverndunarsjóði.

Meðal styrkþega að þessu sinni er Árni Stefán sem fær 400 þúsund krónur. Árni Stefán hefur verið í fréttum að undanförnu vegna átaka við konu nokkra sem hann leigir. 

Hún heitir Sigurbjörg Hlöðversdóttir, 62 ára öryrki, en hún sakar hann um að standa ekki við loforð um framkvæmdir til að gera húsnæðið sem hún býr í mannsæmandi. Árni Stefán hafnar reyndar orðum Sigurbjargar sem hann segir ærumeiðandi. Hvað sem því líður þá hefur hann nú fjármagn til að ráðast í endurbætur.