Bein út­sending: Á­hersla á hreyfingu fatlaðra og Lífs­hlaupið opnað

Helsta breyting frá fyrri ráðleggingum er meðal annars að nú eru ráðleggingar fyrir fatlað fólk sérstakur liður í útgáfunni. Fram kemur í tilkynningu frá landlækni að fatlaðir geti af ýmsum ástæðum átt erfiðara með að stunda hreyfingu en ófatlaðir. 

Til að mynda stunda aðeins 4 prósent fatlaðra barna reglulegar íþróttir innan íþróttahreyfingarinnar, sem er margfalt lægra hlutfall en meðal ófatlaðra barna.

Fundurinn verður sýndur í beinu streymi og fer Alma D. Möller landlæknir með fundarstjórn. Guðni Th. Jóhannesson forseti Íslands ávarpar fundinn, auk Willums Þórs Þórssonar heilbrigðisráðherra. Þá ávarpar Lárus L. Blöndal forseti ÍSÍ einnig fundinn. 

Horfa má á beint streymi frá fundinum í spilaranum hér að neðan.