Gústaf tekur við af Yngva hjá SFF

Í tilkynningu segir að Gústaf hafi mikla og víðtæka reynslu af fjármálamarkaði úr fyrri störfum. 

„Hann starfaði í Landsbankanum í 16 ár, þar af um 12 ár í greiningardeild bankans. Þar sinnti hann hvers kyns greiningum og spám um hina ýmsu þætti íslensks efnahags- og fjármálalífs. Áður en Gústaf gekk til liðs við Landsbankann starfaði hann sem blaðamaður á Viðskiptablaðinu frá 2000 til 2006.

Gústaf er með B.A. próf í hagfræði frá Háskóla Íslands auk meistaraprófs í fjármálum frá sama skóla.

Gústaf tekur við starfi Yngva Arnar Kristinssonar sem kominn er á þriðja æviskeiðið,“ segir í tilkynningunni.