Erlent

Lars Løkke kemst ekki á COP28 vegna veikinda

Oddur Ævar Gunnarsson skrifar
Lars hefur afboðað komu sína á loftlagsráðstefnuna.
Lars hefur afboðað komu sína á loftlagsráðstefnuna. EPA-EFE/FEHIM DEMIR

Lars Løkke Rasmussen, utanríkisráðherra Danmerkur, hefur afboðað sig á COP28 loftlagsráðstefnuna sem nú fer fram í Sameinuðu arabísku furstadæmunum vegna veikinda.

Í umfjöllun danska ríkisútvarpsins kemur fram að ráðherrann liggi nú veikur heima með veirusýkingu. Ráðherrann átti að funda með John Kerry, sérstökum loftlagserindreka Bandaríkjanna, á ráðstefnunni á morgun.

Þá ætlaði Rasmussen auk þess að heimsækja Sádí-Arabíu á sama tíma. Þeirri heimsókn hefur nú verið aflýst. Ekki er ljóst hvort Danir munu senda fulltrúa í hans stað.

Þrír ráðherrar úr dönsku ríkisstjórninni eru viðstaddir ráðstefnuna. Það er loftlagsráðherrann Dan Jørgensen, umhverfisráherrann Lars Aagaard og forsætisráðherrann Mette Frederiksen.

Danmörk Loftslagsráðstefna Sameinuðu þjóðanna (COP) Umhverfismál

Mest lesið


Fleiri fréttir

Sjá meira


×

Mest lesið