Gylfi Þór meiddur og ekki með í kvöld

Þetta kemur fram í frétt á heimasíðu Lyngby þar sem leikmannahópur liðsins fyrir leik dagsins gegn OB er opinberaður. 

Gylfi spilaði sinn fyrsta leik í rúm tvö ár fyrir rúmum hálfum mánuði síðan en sá leikur var jafnframt hans fyrsti fyrir Lyngby. 

Íslendingarnir Kolbeinn Finnsson, Sævar Atli Magnússon og Andri Lucas Guðjohnsen eru þó á sínum stað í leikmannahópi Lyngby sem er sem stendur í 7.sæti dönsku úrvalsdeildarinnar. 

Freyr Alexandersson er sem fyrr þjálfari Lyngby.