Fótbolti

Sex­tán ára ung­lingur skoraði í risa­sigri Spán­verja

Smári Jökull Jónsson skrifar
Lamine Yamal fagnar marki sínu en hann er nú yngsti leikmaðurinn til að spila og skora fyrir spænska karlalandsliðið.
Lamine Yamal fagnar marki sínu en hann er nú yngsti leikmaðurinn til að spila og skora fyrir spænska karlalandsliðið. Vísir/Getty

Spánverjar voru í miklu stuði í kvöld þegar þeir mættu Georgíu á útivelli í undankeppni Evrópumótsins á næsta ári. Spænska liðið vann 7-1 sigur og fer upp í annað sæti A-riðils.

Það tók Spánverja rúmar tuttugu mínútur að skora fyrsta mark leiksins í kvöld en eftir það opnuðust flóðgáttir út fyrri hálfleikinn.

Alvaro Morata skoraði fyrsta markið á 22. mínútu eftir sendingu Marcos Asensio og Saba Kerkvelia varð síðan fyrir því óláni að skora sjálfmark fimm mínútum síðar og staðan þá orðin 2-0 fyrir gestina.

Dani Olmo og Morata bættu við mörkum fyrir hlé og staðan í hálfleik 4-0 Spánverjum í vil. 

Giorgi Chakvetadze minnkaði muninn fyrir Georgíu í upphafi síðari hálfleiks en Spánverjar voru þó ekki hættir. Morata bætti öðru marki sínu við á 65. mínútu og Nico Williams skoraði sjötta markið örskömmu síðar. 

Hinn 16 ára Lamine Yamal skoraði svo sjöunda mark Spánar en hann er fæddur árið 2007. Hann er nú bæði yngsti leikmaðurinn til að spila og skora fyrir karlalandslið Spánar.

Lokatölur 7-1 og Spánverjar nú í öðru sæti A-riðils með sex stig eftir þrjá leiki.

EM 2024 í Þýskalandi

Mest lesið


Fleiri fréttir

Sjá meira


×

Mest lesið