Sport

Noah Lyles í fótspor Usain Bolt með tvöföldum sigri

Siggeir Ævarsson skrifar
Lyles fagnar sigrinum í 100 metra hlaupinu
Lyles fagnar sigrinum í 100 metra hlaupinu Vísir/Getty

Spretthlauparinn Noah Lyles skráði sig í sögubækurnar í gær þegar hann kom fyrstur í mark í 200 m hlaupi karla á heimsmeistaramótinu í frjálsum íþróttum. Hann varð þar með fyrsti karlmaðurinn síðan Usain Bolt árið 2015 til að vinna bæði 100 og 200 m hlaupin á HM.

Lyles hefur verið í fantaformi undanfarin misseri, en þetta var þriðja heimsmeistaramótið í röð þar sem hann ber sigur úr býtum í 200 m hlaupi. Hann kom í mark á tímanum 19,52 sekúndum en heimsmet Bolt í greininni er 19,19 sekúndur sem Lyles hefur augastað á.

Besti tími Lyles er 19,31 sekúnda sem er Bandaríkjamet. Sá tími kom á heimsmeistaramótinu í fyrra og sló hann þá Michael Johnson af stalli en Bandaríkjamet hans hafði staðið síðan 1996. Lyles verður væntanlega í liði Bandaríkjanna sem keppir í 4x100 m boðhlaupi í dag og með sigri þar fetar hann enn á ný í fótspor Bolt sem fór heim með þrenn gullverðlaun á HM 2015, 2013 og 2009.

Frjálsar íþróttir

Mest lesið


Fleiri fréttir

Sjá meira


×

Mest lesið