Sport

Silas Songani hetja Vestra | Sex marka leikur í Fjarðabyggðarhöllinni

Andri Már Eggertsson skrifar
Vestri vann Þór 1-0
Vestri vann Þór 1-0 Vestri

Vestri vann 1-0 sigur gegn Þór í afar mikilvægum leik í Lengjudeild karla. Silas Songani gerði sigurmarkið á 82. mínútu og tryggði Vestra stigin þrjú. Í Lengjudeild kvenna vann FHL 4-2 sigur gegn Grindavík.

Fyrir leik var Vestri í 9. sæti með einu stigi minna en Þór. Eina mark leiksins kom á 80. mínútu sem tryggði Vestra stigin þrjú. Vestri fór því yfir Þór í töflunni og hoppaði upp í sjötta sætið.

Það var meira fjör í Lengjudeild kvenna þegar FHL fékk Grindavík í heimsókn í Fjarðabyggðarhöllinni. Katrín Edda Jónsdóttir kom FHL yfir en tveimur mínútum síðar jafnaði Arianna Lynn Veland. Staðan var jöfn 1-1 í hálfleik.

Í seinni hálfleik kom heldur fjörugur tíu mínútna kafli. Helga Rut Einarsdóttir byrjaði á að gera sjálfsmark, Björg Gunnlaugsdóttir kom síðan FHL í 3-1 en Rósey Björgvinsdóttir fékk síðan rautt spjald. Viktoría Sól Sævarsdóttir minnkaði síðan muninn fyrir Grindavík. 

Björg Gunnlaugsdóttir skoraði síðan fjórða mark FHL í uppbótartíma og FHL vann 4-2 sigur gegn Grindavík.

Vestri Lengjudeild kvenna Lengjudeild karla Þór Akureyri Grindavík

Mest lesið


Fleiri fréttir

Sjá meira


×

Mest lesið