Grétar, Haf­dís og Jón til liðs við LSR

Þar kemur fram að Grétar Már Axels­son hafi verið ráðinn sjóð­stjóri á eigna­stýringa­sviði. Grétar kemur inn í teymi eigna­stýringar fyrir er­lendar fjár­festingar með á­herslu á skráð verð­bréf og mun styðja við stefnu sjóðsins um að veita er­lendum fjár­festingum meira vægi í ört vaxandi eigna­safni LSR.

Segir í til­kynningunni að Grétar hafi víð­tæka reynslu af greiningum og fjár­festingum og starfaði áður meðal annars hjá Al­menna líf­eyris­sjóðnum, Ís­lands­sjóðum, Glitni og Voda­fone. Hann er með BS-gráðu í við­skipta­fræði frá Há­skóla Ís­lands og MS-gráðu í fjár­málum frá Aarhus School of Business. Grétar hefur lokið prófi í verð­bréfa­við­skiptum.

Þá hefur sjóðurinn ráðið þau Haf­dísi Mist Berg­steins­dóttur og Jón Böðvars­son á sviðið staf­ræn þróun og rekstur. Ráðning þeirra er liður í aukinni á­herslu sjóðsins á nýtingu staf­rænna lausna í starf­semi sinni, bæði í þjónustu við sjóð­fé­laga og upp­byggingu innri kerfa, að því er segir í til­kynningunni.

Haf­dís er ráðin í stöðu sér­fræðings í hag­nýtingu gagna og kemur hún frá fyrir­tækinu Expectus, þar sem hún hafði starfað í tvö ár við gagna­vinnslu og þróun eftir að hafa lokið námi. Haf­dís er með MSc. gráðu í iðnaðar­verk­fræði og stjórnun frá DTU í Dan­mörku og BSc. gráðu í verk­fræði frá HÍ.

Jón er ráðinn í starf leiðandi for­ritara hjá sjóðnum. Jón hefur starfað við for­ritun síðustu fimm ár hjá Nanitor og Sam­skipum, en þar áður hafði hann m.a. unnið í tækni­veri Voda­fone. Jón er með BSc. gráðu í tölvunar­fræði frá Há­skólanum í Reykja­vík.